Аддзел загса ў сваёй дзейнасці кіруецца Канстытуцыяй Рэспублікі Беларусь, Кодэксам Рэспублікі Беларусь аб шлюбе і сям'і, другімі заканадаўчымі актамі Рэспублікі Беларусь.
Рэгістрацыя актаў грамадзянскага стану ў Кобрынскім раёне ажыццяўляецца аддзелам загса райвыканкама і адзінаццаццю сельскімі выканаўчымі камітэтамі.
Прынцыпамі дзейнасці аддзела загса з'яўляюцца: (артыкул 196 Кодэкса Рэспублікі Беларусь аб шлюбе і сям'і):строгае прытрымліванне законнасці пры рэгістрацыі актаў грамадзянскага стану;
правільная, поўная і своечасовая рэгістрацыя актаў грамадзянскага стану ў мэтах абароны асабістых немаёмасных і маёмасных праў і інтарэсаў грамадзян, дзяржаўных і грамадскіх арганізацый.
Кампетэнцыя (функцыі): (артыкул 198 Кодэкса Рэспублікі Беларусь аб шлюбе і сям'і)
праводзіць рэгістрацыю нараджэння, заключэння шлюбу, усынаўлення, устанаўлення мацярынства і (або) бацькоўства, перамены прозвішча, уласнага імя, імя па бацьку, смерці, скасавання шлюбаў у адпаведнасці з артыкулам 351 Кодэкса Рэспублікі Беларусь аб шлюбе і сям'і, па рашэннях судоў, якія ўступілі ў законную сілу да 1 верасня 1999 г., змяняюць, дапаўняюць, выпраўляюць запісы актаў грамадзянскага стану, анулююць і аднаўляюць запісы актаў грамадзянскага стану на падставе рашэння суда, захоўваюць запісы актаў грамадзянскага стану. Аддзел загса выдае даведкі, пасведчання аб рэгістрацыі актаў грамадзянскага стану або іншыя дакументы, якія ўтрымліваюць звесткі з запісаў актаў грамадзянскага стану.
Сельскія выканаўчыя камітэты Кобрынскага раёна праводзяць рэгістрацыю нараджэння, заключэння шлюбу паміж грамадзянамі Рэспублікі Беларусь, устанаўленні бацькоўства па сумеснай заяве бацькоў пры адначасовай рэгістрацыі нараджэння, а таксама рэгістрацыю смерці.
